κρᾶτα δ᾽ ἄθλιον

Agave, costumes and props from Scaena Grecolatina (Casa dels Berenguer, Sagunt), photo by Sergi V. Oliver (2019)

(...) κρᾶτα δ᾽ ἄθλιον, 

ὅπερ λαβοῦσα τυγχάνει μήτηρ χεροῖν, 

πήξασ᾽ ἐπ᾽ ἄκρον θύρσον ὡς ὀρεστέρου 

φέρει λέοντος διὰ Κιθαιρῶνος μέσου, 

λιποῦσ᾽ ἀδελφὰς ἐν χοροῖσι μαινάδων. 

χωρεῖ δὲ θήρᾳ δυσπότμῳ γαυρουμένη 

τειχέων ἔσω τῶνδ᾽ (...)

(Εὐριπίδης, Βάκχαι, vv.1139-1145)

ὦ λιποῦσαι Τμῶλον

Maenads, Dionysus followers playing music by Cristian Baitg.

ἀλλ᾽, ὦ λιποῦσαι Τμῶλον ἔρυμα Λυδίας, 

θίασος ἐμός, γυναῖκες, ἃς ἐκ βαρβάρων 

ἐκόμισα παρέδρους καὶ ξυνεμπόρους ἐμοί, 

αἴρεσθε τἀπιχώρι᾽ ἐν πόλει Φρυγῶν 

τύμπανα, Ῥέας τε μητρὸς ἐμά θ᾽ εὑρήματα, 

βασίλειά τ᾽ ἀμφὶ δώματ᾽ ἐλθοῦσαι τάδε 

κτυπεῖτε Πενθέως, ὡς ὁρᾷ Κάδμου πόλις. 

(Εὐριπίδης, Βάκχαι 55-61)

Θιάσοις ἐν μέσοισιν

Greek God Dionysus and Maenads, by Cristian Baitg.

Ἔκδημος ὢν μὲν τῆσδ᾽ ἐτύγχανον χθονός, 

κλύω δὲ νεοχμὰ τήνδ᾽ ἀνὰ πτόλιν κακά, 

γυναῖκας ἡμῖν δώματ᾽ ἐκλελοιπέναι 

πλασταῖσι βακχείαισιν, ἐν δὲ δασκίοις 

ὄρεσι θοάζειν, τὸν νεωστὶ δαίμονα 

Διόνυσον, ὅστις ἔστι, τιμώσας χοροῖς: 

πλήρεις δὲ θιάσοις ἐν μέσοισιν ἑστάναι 

κρατῆρας, ἄλλην δ᾽ ἄλλοσ᾽ εἰς ἐρημίαν 

πτώσσουσαν εὐναῖς ἀρσένων ὑπηρετεῖν, 

πρόφασιν μὲν ὡς δὴ μαινάδας θυοσκόους, 

τὴν δ᾽ Ἀφροδίτην πρόσθ᾽ ἄγειν τοῦ Βακχίου. 

(Εὐριπίδης, Βάκχαι 215-225)

ἔβαν δὲ Πριαμίδαν

The Judgement of Paris, by Alexey Golovin.

Tαὶ δ᾽ ἐπεὶ ὑλόκομον νάπος ἤλυθον οὐρειᾶν

πιδάκων νίψαν αἰ-

γλᾶντα σώματα ῥοαῖς,

ἔβαν δὲ Πριαμίδαν ὑπερ-

βολαῖς λόγων δυσφρόνων

παραβαλλόμεναι, δολίοις δ᾽ ἕλε Κύπρις λόγοις,

τερπνοῖς μὲν ἀκοῦσαι,

πικρὰν δὲ σύγχυσιν βίου Φρυγῶν πόλει

ταλαίνᾳ περγάμοις τε Τροίας.

(Εὐριπίδης, Ἀνδρομάχη 284-92)