Lascivi stagna Lucrini

Dum nos blanda tenent lascivi stagna Lucrini...

 (M.Valerius Martialis, Epigrammata IV,57,1)

Fuit Ilium

Iam Deiphobi dedit ampla ruinam  Volcano superante domus; iam proxumus ardet  Ucalegon; Sigea igni freta lata relucent.  Exoritur clamorque virum clangorque tubarum.  (P.Vergilius Maro, Aeneis II, 310-313)

Atrium

Quoniam uicus constat ex domibus, nunc earum uocabula uideamus... Atrium appellatum ab Atriatibus Tuscis: illinc enim exemplum sumptum (M.Terentius Varro, De lingua Latina V,33)

Veneralia

Discite nunc, quare Fortunae tura Virili

detis eo, calida qui locus umet aqua.

accipit ille locus posito velamine cunctas

et vitium nudi corporis omne videt;

ut tegat hoc celetque viros, Fortuna Virilis

praestat et hoc parvo ture rogata facit.

(P.Ovidius Naso, Fasti IV, 145-150)

Tenedos

  Est in conspectu Tenedos, notissima fama
insula, dives opum, Priami dum regna manebant,
nunc tantum sinus et statio male fida carinis:
huc se provecti deserto in litore condunt.
(P.Vergilius Maro, Aeneis, II, 21-24)

Fons Bandusiae

O fons Bandusiae splendidior uitro,
dulci digne mero non sine floribus,
(...)

Te flagrantis atrox hora Caniculae
nescit tangere, tu frigus amabile
fessis uomere tauris
praebes et pecori uago.

Fies nobilium tu quoque fontium
me dicente cauis impositam ilicem
saxis, unde loquaces
lymphae desiliunt tuae.

(Q.Horatius Flaccus, Carmina III,13)

Rubico, finis Galliae

An ille id faciat quod paulo ante decretum est, ut exercitum citra flumen Rubiconem, qui finis est Galliae, educeret, dum ne propius urbem Romam cc milia admoveret? huic denuntiationi ille pareat, ille se fluvio Rubicone et cc milibus circumscriptum esse patiatur? Non is est Antonius.
(M.T.Cicero, Philippicae VI,5)