Parce vocibus sacris

Photo published by Visitas Guiadas Tarragona Nemesis

Iam iam efficaci do manus scientiae,

 supplex et oro regna per Proserpinae,

 per et Dianae non movenda numina,

 per atque libros carminum valentium

 refixa caelo devocare sidera,

 Canidia: parce vocibus tandem sacris

 citumque retro solve, solve turbinem. 

(Q.Horatius Flaccus, Epodes 17, vv.1-7)

Discessit e theatro

Pompa Floralia (LVDI SAGVNTINI MMXV)

Eodem  M.Catone ludos Florales...spectante, populus ut mimae nudarentur postulare erubuit. quod cum ex Fauonio amicissimo sibi una sedente cognosset, discessit e theatro, ne praesentia sua spectaculi consuetudinem impediret. (Valerius Maximus, Facta et dicta memorabilia II, 10, 8)

Mater florum

Pompa floralia (Ludi Saguntini MMXV)

Mater, ades, florum, ludis celebranda iocosis 

(P. Ovidius Naso, Fasti V, 183)

Plures aquas

Illud nulli dubium esse crediderim, proximos ductus...maxime custodiendos, quoniam et amplissimi operis sunt et plures aquas singuli sustinent. Quos si necesse fuerit interrumpere, maiorem partem aquarum urbis destituent.(Sextus Iulius Frontinus, De aquae ductu II,124)

Deam accepit

Postquam nauis ad ostium amnis Tiberini accessit, (...) deam accepit extulitque in terram. Matronae primores ciuitatis (...) per manus, succedentes deinde aliae aliis, omni obuiam effusa ciuitate, turibulis ante ianuas positis qua praeferebatur atque accenso ture precantibus ut uolens propitiaque urbem Romanam iniret, in aedem Victoriae quae est in Palatio pertulere deam pridie idus Aprile... (T.Livius Patavinus, Ab Urbe condita XXIX, 14)

Obtinuit imperium

  

pr.Non.Apr., anno CMXLI A.V.C.
Ex duobus liberis, quos Septimius Severus reliquit Getam et Bassianum, quorum unum Antoninum exercitus alterum pater dixit, Geta hostis est iudicatus, Bassianus autem obtinuit imperium. (Historia Augusta, Antoninus Caracalla I, 1)

Species nomenque moreti

Tum demum digitis mortaria tota duobus 

circuit inque globum distantia contrahit unum, 

constet ut effecti species nomenque moreti. 

(Appendix Vergiliana: Moretum, vv.114-6)