Tenedos

  Est in conspectu Tenedos, notissima fama
insula, dives opum, Priami dum regna manebant,
nunc tantum sinus et statio male fida carinis:
huc se provecti deserto in litore condunt.
(P.Vergilius Maro, Aeneis, II, 21-24)

Fons Bandusiae

O fons Bandusiae splendidior uitro,
dulci digne mero non sine floribus,
(...)

Te flagrantis atrox hora Caniculae
nescit tangere, tu frigus amabile
fessis uomere tauris
praebes et pecori uago.

Fies nobilium tu quoque fontium
me dicente cauis impositam ilicem
saxis, unde loquaces
lymphae desiliunt tuae.

(Q.Horatius Flaccus, Carmina III,13)

Rubico, finis Galliae

An ille id faciat quod paulo ante decretum est, ut exercitum citra flumen Rubiconem, qui finis est Galliae, educeret, dum ne propius urbem Romam cc milia admoveret? huic denuntiationi ille pareat, ille se fluvio Rubicone et cc milibus circumscriptum esse patiatur? Non is est Antonius.
(M.T.Cicero, Philippicae VI,5)

Puniceus Rubicon

   

Fonte cadit modico paruisque inpellitur undis
puniceus Rubicon, cum feruida canduit aestas,
perque imas serpit ualles et Gallica certus                

limes ab Ausoniis disterminat arua colonis.

(M. Annaeus Lucanus, Pharsalia I, 213-216)

Variana clades (II)

Exercitus omnium fortissimus, disciplina, manu experientiaque bellorum inter Romanos milites princeps, marcore ducis, perfidia hostis, iniquitate fortunae circumventus (...) inclusus silvis, paludibus, insidiis ab eo hoste ad internecionem trucidatus est (Velleius Paterculus, Historia Romana II, 119, 2)

Variana clades

The Teutoburg forest

Quintili Vare, legiones redde! 

(Suetonius, De vita Caesarum: Divus Augustus,23)

Stet Soracte

Vides ut alta stet niue candidum

Soracte (Q.Horatius, Carmina I, 9)