diumenge, 3 de març del 2019

Atrox caedes gladiatorio spectaculo

Fresco showing a riot between Pompeii and its neighbour Nuceria in the amphitheatre at Pompeii in AD 59 (published by @AncientBlogger)
Sub idem tempus levi initio atrox caedes orta inter colonos Nucerinos Pompeianosque gladiatorio spectaculo quod Livineius Regulus, quem motum senatu rettuli, edebat. quippe oppidana lascivia in vicem incessentes probra, dein saxa, postremo ferrum sumpsere, validiore Pompeianorum plebe, apud quos spectaculum edebatur. ergo deportati sunt in urbem multi e Nucerinis trunco per vulnera corpore, ac plerique liberorum aut parentum mortis deflebant. cuius rei iudicium princeps senatui, senatus consulibus permisit. et rursus re ad patres relata, prohibiti publice in decem annos eius modi coetu Pompeiani collegiaque quae contra leges instituerant dissoluta; Livineius et qui alii seditionem conciverant exilio multati sunt. (C. Cornelius Tacitus, Annales XIV, 17)


Cap comentari:

Publica un comentari a l'entrada